今朝跑完步,嘆完茶再去行街市,
見到好多檔都有魷魚賣,重好鬼新鮮,
所以我都幫襯下買返兩條返屋企。
“魷魚釀糯米飯”
材料: 魷魚兩條(去骨去皮)
糯米一量柸(需浸四小時左右)
冬菇兩隻(浸軟用熱水煮一陣切粒)
臘腸一條(汆水後切粒)
蝦乾十隻(浸軟切粒)
糯米飯調味料: 生抽兩湯匙,糖半湯匙,
老抽一茶匙
魷魚調味料: 鰻魚醬兩湯匙,老抽一茶匙,
糖半茶匙,味醂一茶匙
做法: 先蒸糯米約三十分鐘,
其間炒香所有粒粒配料,
再將糯米飯加入落調味料攤凍備用。
用少許鹽刷下魷魚裏面後清洗乾淨,
將巳凍的糯米飯釀入魷魚約九成滿,
用牙籤封口,再塗醬料,預熱氣鍋,
每8分鐘反一次和塗一次醬汁，
直至顏色滿意。
魷魚唔怕過熟的。
上枱切一片片即成。
Search